• Xüsusi Karantin Rejimi Yumşaldılıb

Xüsusi Karantin Rejimi Yumşaldılıb

03 may 2020

Azərbaycan Respublikasının Nazirlər Kabinetinin (bundan sonra “Nazirlər Kabineti”) 1 may 2020-ci il tarixli 163 nömrəli qərarı ilə bəzi məhdudiyyətlər yumşaldılaraq xüsusi karantin rejiminin müddəti 31 may 2020-ci il saat 00:00-dək uzadılmışdır.

Belə ki, Bakı, Sumqayıt, Gəncə, Lənkəran şəhərləri və Abşeron rayonunda iri ticarət mərkəzləri və restoranlar istisna olmaqla bütün sahələr üzrə fərdi ticarət obyektlərinin və xüsusi karantin rejimi dövründə fəaliyyətinə məhdudiyyət tətbiq olunan hüquqi (fiziki) şəxslərin fəaliyyəti bərpa olunub. Digər respublikanın digər regionlarında və Naxçıvanda yaşayış yerini tərk etmək üçün icazə sistemi ləğv olunur və dövlət qurumlarının işçilərinin tam sayda fəaliyyəti bərpa olunur.

Eyni zamanda xüsusi karantin rejimi ərzində ictimai yerlərdə bir yerdə insanların 10 nəfərdən artıq qruplarda cəmləşməsi qadağandır və Bakı, Sumqayıt, Gəncə, Lənkəran şəhərləri və Abşeron rayonunda işçilər işəgötürən tərəfindən “icaze.e-gov.az” portalına daxil edildikdən sonra onların işə getmək üçün yaşayış yerlərini tərk edərək hərəkətinə yol verilir.

Eyni zamanda qeyd olunur ki, COVID-19 virusuna yoluxma dinamikası və xəstəliklə bağlı ölkədəki vəziyyət zərurət yaradarsa, xüsusi karantin rejiminin sərtləşdirilməsi mümkündür.